Alerta amarela este domingo en Lugo e Ourense: a cota de neve baixa aos 400 metros
As temperaturas continúan descendendo durante esta fría fin de semana
As provincias de Lugo e Ourense quedarán este domingo en alerta amarela por nevadas. A cota de neve comezará nos 400-500 metros nas primeiras horas do día e quedará nos 600 metros co avance da xornada.
As temperaturas sufrirán un lixeiro descenso. O vento soprará de compoñente norte, forte no litoral e moderado no interior En total, o temporal de neve, vento e frío que afecta á Península poñerá este domingo en aviso a 31 provincias, 13 delas con avisos de nivel laranxa por nevadas que poderían producir acumulacións importantes en varios puntos do país.
Concretamente, activarán o aviso laranxa por nevadas as provincias de Granada, Xaén, Huesca, Teruel, Cantabria, Conca, Guadalaxara, Toledo, Lérida, Tarragona, Castelló, Valencia e Asturias, e o aviso de nivel amarelo, tamén por nevadas, as de Almería, Córdoba, Málaga, Albacete, Cidade Real, Zaragoza, Ávila, León, Segovia, Soria, Barcelona, Xirona, Madrid, Lugo, Ourense, A Rioxa e Murcia.
ONDADA. O litoral de Lugo tamén estará en alerta amarela por forte ondada.
