Jorge Luis Sosa Mejuto, coñecido como 'Makelele', foi detido en Miami como principal sospeitoso do asasinato do seu pai, de 71 anos. Este veciño de Vigo regresara a Estados Unidos para retomar a súa carreira como boxeador tras cumprir condena en España por un dobre homicidio imprudente cometido na cidade en 2008, cando atropelou mortalmente a un matrimonio.
'El terrible Sosa', como se lle coñece no mundo do boxeo, foi detido o pasado sábado en Miami, nos apartamentos onde residía o seu pai, que foi atopado sen vida e con varios cortes no pescozo. A xuíza ordenou o seu ingreso en prisión.
Segundo informa cibercuba.com, Sosa Mejuto foi descuberto no apartamento contiguo momentos despois da morte do seu proxenitor. A propietaria da vivenda chamou á policía ao crer que Makelele tentaba roubarlle. Tras acudir á chamada da muller, os axentes entraron na vivenda do seu veciño, que se atopaba sen signos vitais.