Un home de 25 anos de nacionalidade española e sen domicilio coñecido foi detido tras, supostamente, atracar unha panadería de Vigo e ameazar ao seu dependente coa barra de ferro empregada para subir a persiana do local.
Fontes policiais detallaron que os feitos tiveron lugar este venres sobre as 14.30 horas, cando un mozo accedeu a strong <>unha panadería da rúa Torrecedeira e comezou a tocar o expositor por distintas partes sen respectar as directrices de seguridade establecidas pola crise sanitaria.
Por este motivo, o panadeiro recriminoulle a súa acción, ante o que este home tomou unha barra de ferro utilizada para subir a persiana do local e ameazouno para que lle entregase a recadación.
O dependente defendeuse da agresión, o que deu lugar a un forcejeo entre ambos. Posteriormente, o atracador fuxiu e o panadeiro alertou do ocorrido á Policía Nacional, que estableceu un dispositivo de procura na zona.
DETENCIÓN. Pouco despois, localizouse a un home que encaixaba na descrición facilitada polo panadeiro, polo que foi interceptado. Deste xeito, comprobouse que este home portaba un paraugas en cuxo interior se atopaba unha barra de ferro.
Finalmente, foi detido e trasladado a dependencias policiais, onde se descubriu que lle constaban 10 detencións anteriores por feitos similares aos que se lle achacaban. Así, o detido e o actuado pasaron a disposición do Xulgado de Instrución número 5 de Vigo, en funcións de garda.
