Tres encapuchados asaltan a casa dun matrimonio en Amoeiro
As vítimas son maiores e a súa mobilidade é reducida
Un matrimonio sufriu un asalto na súa casa na aldea do concello ourensán de Amoeiro. As vítimas son un home e unha muller de idade avanzada con mobilidade reducida.
Tres homes encapuchados e que falaban galego, segundo os donos da casa, ataron ao matrimonio de mans e pés para que non puideran moverse. Mentres, remexeron toda a casa e incluso levantaron táboas de chan, pensando que habería obxectos de valor ou diñeiro debaixo.
Finalmente, tan só levaron dúas alianzas, dúas cadeas de ouro e o diñeiro que a muller tiña na carteira, que non chegaba aos 20 euros.
