A encargada dunha tenda de Pontevedra persegue e retén a unha ladroa de roupa
Interceptouna na rúa Castelao, onde a presunta delincuente escorregou
Axentes da Policía Nacional identificaron unha muller tras ser interceptada pola encargada dunha tenda de roupa na rúa Peregrina, que a sorprendeu roubando e saíu correndo tras ela ata que a interceptou na rúa Castelao, onde a presunta delincuente escorregou. Nese momento caéronselle as pezas do interior dunha caixa metida nunha bolsa do supermercado.
A caixa de cartón era dunha impresora e estaba habilitada para eludir os dispositivos electrónicos de seguridade cos que as tendas dotan á súa mercancía.
Os funcionarios comprobaron que portaba varias pezas da tenda, dous abrigos e unha cazadora valoradas en 150 euros.
