Galicia comezará este luns a estar baixo a influencia dun anticiclón que deixará ceos despexados e altas temperaturas ao longo da semana.
Con todo, segundo a predición de Meteogalicia, este luns aínda se esperan bancos de néboa matinais en zonas do interior e unha xornada de intervalos nubrados que poderían deixar choivas débiles e ocasionais.
As temperaturas experimentarán un ascenso entre moderado e notable. Os ventos soprarán de compoñente norte en xeral, frouxos con intervalos de moderado.
