miércoles. 08.12.2021 |
El tiempo
miércoles. 08.12.2021
El tiempo

Feijóo asume que a pandemia será o reto do seu cuarto mandato

O presidente en funcións da Xunta de Galicia promete contar con PSdeG e BNG para traballar "xuntos" 

O xefe do Lexislativo, Miguel Santalices, trasladou este luns a Alberto Núñez Feijóo, que será o único candidato no pleno de investidura que terá lugar a semana próxima no Pazo do Hórreo e que abrirá as portas dun cuarto mandato no que o dos Peares, segundo recoñeceu, é consciente de que o seu primeiro reto será xestionar a pandemia do coronavirus e os seus efectos en Galicia. 

Tras o seu encontro con Santalices, que previamente mantivo a preceptiva rolda de contactos cos representantes dos tres grupos que conforman o arco parlamentario galego, Feijóo trasladou aos medios que espera protagonizar un debate de investidura "construtivo", á vez que garantiu que contará coa oposición a pesar de que ten unha maioría absoluta de 42 deputados. 

"A pesar de ser o grupo maioritario, imos intentar que tanto co BNG como co PSdeG podamos traballar xuntos por unha Galicia que faga fronte á pandemia e evite as súas consecuencias económicas e sociais", proclamou o dirixente popular. 

Presidente en funcións, admitiu que esta será a lexislatura máis difícil, xunto coa primeira (a da crise económica, que transcorreu entre 2009 e 2012). A modo de exemplo, explicou que, só desde febreiro, cando sobre a mesa estaba un proxecto económico "de crecemento", os retos políticos han cambiado totalmente por mor da Covid-19. 

"O proxecto agora é distinto: controlar a pandemia, revertela e volver a unha situación normal, co fin de que a pandemia sanitaria non se converta nunha pandemia económica e social", proclamou. 

Para logralo, á espera de nomear Goberno unha vez que se formalice a súa investidura, destacou que os populares contan con persoas "que coñecen Galicia e con experiencia de Goberno". E prometeu achegar "fiabilidade e estabilidade" tanto nas institucións como nas propostas políticas. 

Feijóo asume que a pandemia será o reto do seu cuarto mandato
Comentarios