A condutora dun vehículo resultou ferida nun accidente de tráfico rexistrado na mañá deste xoves tras atropelar a un cabalo que irrompeu na vía no termo municipal de Lugo. Segundo os datos facilitados polo 112 Galicia, o sinistro sucedeu pasadas as 8.10 horas deste xoves na estrada LU-530 ao seu paso polo lugar do Carqueixo.
Ao lugar o 061 desprazou unha ambulancia asistencial que levou á persoa ferida ao Hospital Nosa Señora dos Ollos Grandes, segundo confirmaron fontes sanitarias. Ademais, a causa do impacto, o equino quedou morto na calzada, polo que a Garda Civil de Tráfico solicitou medios de limpeza e mantemento. Así, foi mobilizada a Axencia Galega de Infraestruturas para retirar o animal.
