sábado. 22.01.2022 |
El tiempo
sábado. 22.01.2022
El tiempo

Galicia acumula unha semana sen falecidos con Covid-19

Realización do test na segunda onda do estudo epidemiolóxico do Sergas nun centro de saúde de Galicia. EUROPA PRESS
Realización do test na segunda onda do estudo epidemiolóxico do Sergas nun centro de saúde de Galicia. EUROPA PRESS
Un único positivo diagnosticado con PCR mantén en mínimos a incidencia do virus na comunidade, con 0,33 casos por cada 100.000 habitantes nos últimos sete días

Galicia cumpriu este mércores unha semana sen rexistrar ningunha vítima mortal con Covid-19, a súa mellor serie ao longo da pandemia.

Ademais, no que vai de mes só se contabilizaron tres defuncións —un octoxenario en Vigo, unha nonaxenaria en Ourense e unha septuaxenaria en Lugo—.

O dato chega nunha xornada na que o último informe da Consellería de Sanidade reflectiu unha baixada de oito casos activos na comunidade —ata 341— que se reparte por todas as áreas sanitarias fóra das da Coruña e Ferrol, onde o indicador non varía.

Tamén é destacable o descenso no número de pacientes hospitalizados: son sete, un menos que o día anterior. Hai dous na Coruña, dous en Vigo, dous en Lugo e un en Santiago.

Un único positivo diagnosticado con PCR mantén en mínimos a incidencia do virus en Galicia, con 0,33 casos por cada 100.000 habitantes nos últimos sete días.

Galicia acumula unha semana sen falecidos con Covid-19
Comentarios