Galicia perde 3.000 votantes desde as últimas eleccións xerais

Case 2,7 millóns de galegos están chamados ás urnas o 28 de abril

Un operario apilando urnas. ARCHIVO
photo_camera Un operario apilando urnas. ARCHIVO

Un total de 2.698.525 persoas poderán exercer o seu dereito ao voto nas próximas eleccións xerais do 28 de abril, o que supón 3.206 persoas menos que nos últimos comicios celebrados no ano 2016.

O delegado do Goberno en Galicia, Javier Losada, detallou este martes as principais cifras das Eleccións Xerais do 28 de abril, de cuxa seguridade e normal desenvolvemento encargaranse case 7.000 axentes das Forzas e Corpos de Seguridade do Estado.

Do total de potenciais votantes na comunidade, 2.240.616 residen en Galicia e 457.909 son residentes ausentes.

Todos eles poderán elixir entre 12 candidaturas que se proclamaron para as eleccións ao Congreso en cada provincia, agás en Ourense, onde serán 13.

En canto ao Senado, proclamáronse 12 candidaturas en cada provincia, excepto na Coruña, onde serán 11. Co seu voto, os galegos elixirán 23 deputados e 16 senadores.

Comentarios