Galicia vive unha xornada de tempo despexado

Galicia vivirá unha xornada de ceos despexados, con intervalos de nubes medias e altas ao principio do día, con tendencia a ceo pouco nubrado, salvo no extremo norte, onde predominarán os intervalos de nubes baixas desde mediodía sen descartar algunha precipitación débil e dispersa.

As temperaturas mínimas irán en aumento e as máximas con poucos cambios, salvo nas Rías Baixas, onde aumentarán. Vento de compoñente norte, con predominio do norte e nordés, frouxo no interior.