sábado. 22.01.2022 |
El tiempo
sábado. 22.01.2022
El tiempo

Gonzalo Caballero comprométese co séctor lácteo e a gandería de Galicia

Proc/JFIF/EFE-Calidad:Excelente
Gonzalo Caballero, na súa visita a unha explotación gandeira en Mesía. EFE
O candidato do PSdeG á Presidencia da Xunta quere pór freo " continua redución de explotacións" dos últimos 11 anos

O candidato do PSdeG á Presidencia da Xunta, Gonzalo Caballero, comprometeu este luns unha aposta clara polo sector lácteo e a gandería" de Galicia para pór freo " continua redución de explotacións" dos últimos 11 anos.

Así o afirmou na visita á empresa láctea Casa Grande de Xanceda, en Mesía (A Coruña), onde estivo acompañado polo alcalde da localidade, Mariano Igrexas.

Na súa intervención, avogou por abrir un novo tempo de impulso á fronte da Xunta para o sector lácteo, co obxectivo de alcanzar un produto de calidade, de referencia galega, que poida facerse con espazo nos mercados, complementario coa competencia en prezo con produtos de máis valor engadido.

Con este fin, anunciou un paquete de medidas para o sector lácteo dirixidas en primeiro lugar a desenvolver o Banco de Terras, que evite a "sempre pendente cuestión de loitar contra os custos en función dos tamaños das explotacións".

Así mesmo, apostou por implantar unha discriminación positiva desde a Xunta que permita mobilizar a terra dispoñible e evitar as dificultades do "histórico minifundismo", e propuxo traballar co Goberno de España e as diferentes institucións para conseguir que o prezo do leite en orixe deixe de estar "á cola de España".

Gonzalo Caballero sinalou que os produtores galegos merecen percibir "os maiores fondos posibles que se pagan na comercialización" e advertiu de que o prezo do leite en Galicia atópase "á cola" do Estado", cuestión que prexudica aos gandeiros reducindo a produtividade das explotacións e provocando o abandono masivo da actividade.

O candidato socialista asumiu este luns "o compromiso de gobernar Galicia" contando co sector gandeiro

Así pois, explicou que estas medidas deben de ir acompañadas por unha "política que acompañe ao sector gandeiro en todos os ámbitos", desenvolvendo "vías de innovación e investigación" que permitan xerar novos produtos e impulsar a industria transformadora para dotar ao lácteo dun valor engadido fundamental.

Ademais, o candidato socialista asumiu este luns o compromiso de gobernar Galicia contando co sector gandeiro, e concretamente co lácteo", para "facer que a cadea de produción incorpore novos produtos e permita ao sector gañar en ingresos a través de mecanismos de diferenciación, calidade e innovación" co apoio á industria trasformadora.

Unha aposta, explicou, que se pode facer en Galicia coa participación de altos profesionais, de recursos humanos cualificados, e coa participación imprescindible do sector.

Gonzalo Caballero puxo a Casa Grande de Xanceda, no Concello de Mesía, como exemplo de explotación capaz de ofrecer un produtor diferenciado de calidade cun compoñente ecolóxico "que marca a referencia na súa calidade de concepción, ademais dunha referencia nos mercados, e que pode competir en prezo e calidade".

Recortes na educación

Por outra banda, a cabeza de lista pola Coruña e vicesecretario xeral do PSdeG, Pablo Arangüena, puxo este luns de relevo a urxencia de reverter "11 anos de recortes" que "detrajeron 2.000 millóns de euros do orzamento educativo en Galicia".

"Descontada a inflación, a partida que destina a Xunta á educación está aínda un 10% por baixo do que deixou Touriño", manifestou Arangüena tras reunirse este luns no CEIP Curros Enríquez da Coruña co presidente dos directores de centros públicos da cidade, Antonio Leonardo Pastor, para escoitar as demandas do sector ante o inicio do curso.

Gonzalo Caballero comprométese co séctor lácteo e a gandería de...
Comentarios