jueves. 20.01.2022 |
El tiempo
jueves. 20.01.2022
El tiempo

En Marea presentarase ás xerais como formación propia

Luís Villares. PEPE FERRÍN (AGN)
Luís Villares. PEPE FERRÍN (AGN)

Villares advirte aos posibles aspirantes que deben "crer nesta oferta" e "aclarar" os seus principios políticos 

O Consello das Mareas aprobará este sábado o seu calendario de primarias para elixir aos candidatos que concorran ás eleccións xerais do próximo 28 de abril, segundo avanzou o portavoz de En Marea, Luís Villares. A reunión xa estaba prevista de antemán tras a votación dos orzamentos xerais, para a que a dirección decidira o non, algo que só respectou a deputada Alexandra Fernández. 

Nunha comparecencia ante os medios, con motivo dunha visita a Vigo, Villares proclamou que En Marea está "preparada" para "asumir o reto político" dunha nova cita electoral. 

De feito, indicou que o máximo órgano de decisión entre plenarios aprobará este sábado o calendario de primarias para elixir aos candidatos ao Congreso e ao Senado, e "facer fronte a esta situación". No entanto, matizou que este escenario era unha "hipótese de traballo" que En Marea manexaba "desde hai tempo". 

Preguntado polos catro deputados que votaron a favor dos Orzamentos Xerais do Estado, Villares resolveu a cuestión apuntando que "a lexislatura está acabada" e agora "o que toca é a composición política dunha oferta que sexa defendida por deputados e deputadas que crean nesa oferta".

Así, o portavoz de En Marea incidiu en que para iso se fan "as primarias" e sinalou que as persoas que se candidaten "deberán aclarar os seus principios políticos" en defensa de Galicia. "En Marea ten tres eixos, o democrático, o social e o nacional, que deben estar presentes", engadiu. 

A preguntas dos medios, sobre se En Marea concorrerá ás eleccións en solitario e se haberá pacto con Podemos, Villares afirmou que o partido se presentará "como formación propia". Ademais, recordou que En Marea é un "espazo político plural e diverso que acolle a dobre militancia, pero de adscrición individual". 

A ese respecto, invitou a "compañeiros e compañeiras", aínda que militen "noutras forzas políticas", a participar "activamente" no proceso de primarias e na conformación de candidaturas.

Cualifica de acto "de odio" o de Casado e Feijóo en Vigo 
Con respecto á convocatoria de eleccións, Luís Villares recordou que En Marea mantivo, durante a negociación dos Orzamentos, os principios recollidos no axenda galega do cambio, que o PSOE "non quixo aceptar", o que levou a dicir "un non rotundo" aos PGE. 

Por outra banda, Luís Villares referiuse ao acto que, este xoves, reuniu en Vigo a Pablo Casado e Alberto Núñez Feijóo, e que cualificou como "acto do odio". "Vimos a Feijóo e a Casado facer votos por un pacto coa extrema dereita", lamentou, e advertiu de que non se pode estar "con Galicia e coa Falanxe ao mesmo tempo, coa igualdade e co machismo ao mesmo tempo, defender Galicia e pactar cos que queren a supresión da Comunidade Autónoma". 

En Marea presentarase ás xerais como formación propia
Comentarios