Morre o condutor dun camión de grava que envorcou na Veiga

Unha persoa faleceu na tarde deste martes no municipio ourensán da Veiga tras envorcar o camión que conducía, que transportaba grava. Segundo a información do 112-Galicia, o suceso ocorreu sobre as 17,00 horas no lugar de Pradolongo.

Ata a zona mobilizouse o helicóptero medicalizado do 061 con base en Ourense, así como efectivos dos Bombeiros e do GES de Baldeorras, axentes de Tráfico, Policía Local e Protección Civil.

Tras chegar ao lugar, os Bombeiros comprobaron que era necesaria a intervención dun guindastre con pluma para levantar o camión e acceder á cabina do vehículo, que quedara encaixada nunha roca. Ao liberar o condutor, os servizos sanitarios só puideron certificar o seu falecemento.