Unha muller morreu na mañá deste xoves en Marín tras ser vítima dun atropelo. Ocorreu ao redor das 11.00 horas na Rúa Concepción Arenal, á altura do número 115. A falecida foi arroiada por un taxi.
Os propietarios dunha frutería próxima explicaron que a vítima acababa de realizar unha compra no establecemento, como facía habitualmente. Segundo algunhas testemuñas, cruzou a estrada por entre dous vehículos estacionados na marxe dereita, o que fixo imposible ao taxista poder evitar a colisión. A muller faleceu no acto.
Trátase dunha veciña de Cunchidos, moi coñecida no lugar, motivo polo que o suceso espertou unha gran conmoción.