Un pazo en Nigrán é a casa á venda máis cara de Galicia
O inmoble atópase no centro da localidade e ten un prezo de 5,5 millóns
Un pazo do século XIV situado no centro de Nigrán, en Pontevedra, é a casa máis cara á venda en Galicia, cun valor de 5,5 millóns de euros, segundo a lista elaborada polo portal inmobiliario Idealista.com
O Pazo de Cadaval-Urzáiz ten case sete séculos de historia e nas súas 1.700 metros cadrados repártense 14 habitacións e 12 baños. Ademais, conta con catro hectáreas de campo, onde se sitúan unha torre, unha capela, xardíns, prados e un bosque.
Así, conforme indica Idealista, na construción poden atoparse escudos e brasóns das familias Cadaval, Figueroa, Ozores, Montenegro, Ceta, Correa e Urzáiz.
O portal inmobiliario recompilou as dez vivendas máis visitadas en todo o Estado e, neste sentido, os catro primeiros postos correspóndense con propiedades situadas na Comunidade de Madrid. O pazo pontevedrés ocupa o quinto posto do ranking.
