lunes. 23.05.2022 |
El tiempo
lunes. 23.05.2022
El tiempo

Rodil enfróntase á 'odisea' de máis de catro horas para ir de Lugo a Santiago en tren

A deputada do BNG subiuse ao tren das 11.10 horas en Lugo e en Ourense fará transbordo

A deputada do BNG Olalla Rodil subiu este luns a un tren na estación de Lugo para realizar o traxecto ata Santiago de Compostela e denunciar o que considera "unha situación inadmisible" en pleno "século XXI", dado que os lucenses teñen que gastarse algo máis de 20 euros e viaxar durante catro horas, con transbordo en Ourense, para chegar á capital galega.

En declaracións aos medios de comunicación, antes de coller o tren das 11.10 horas ata Ourense, Olalla Rodil afirmou que, con esta acción de protesta trata de "evidenciar calé a realidade das conexións ferroviarias entre Lugo e Santiago de Compostela".

"Temos que viaxar ata Ourense e allí facer un transbordo e conectar a través dun Rexional ou dun Alvia para poder ir á capital de Galicia. Lugo é a única cidade do país que non ten unha conexión directa con Santiago de Compostela, que é a capital", lamentó, o que supón "un exemplo, de tantos, da desconexión dos lucenses en materia de transporte colectivo".

"Estamos a falar do ano 2018, en pleno século XXI, e só temos conexión con Ourense e, desde alí, temos que buscarnos a vida", engadiu a deputada do BNG, quen tamén recordou que chegar a Santiago supón unha viaxe "de case catro horas" e un gasto duns 20 euros para os usuarios do tren. "É unha situación absolutamente inadmisible", zanxou. 

Rodil enfróntase á 'odisea' de máis de catro horas para ir de Lugo...
Comentarios