Galicia quedará este sábado nunha situación intermedia entre o anticiclón dos Azores e unha profunda borrasca situada ao norte de Irlanda. Pola mañá espéranse bancos de néboa que deixarán paso a ceos pouco nubrados, excepto na franxa atlántica, onde predominarán as nubes baixas sen que se descarte algunha choiva ocasional.
O domingo achegarase unha fronte que deixará choivas intensas e persistentes en Galicia e que ao final do día poderá afectar tamén a Asturias e León. A próxima semana estará marcada tamén pola choiva, segundo as previsións.
En canto ao mar, o litoral das provincias de Pontevedra e da Coruña quedará este sábado aviso amarelo por ondas de máis de catro metros de altura.
