El tiempo
martes. 16.08.2022
El tiempo

A Xunta móstrase favorable a que se poidan celebrar verbenas este verán

Generated by  IJG JPEG Library
Generated by  IJG JPEG Library
Generated by  IJG JPEG Library
Generated by  IJG JPEG Library
Generated by  IJG JPEG Library
Terían que respectarse as medidas de seguridade que fixe o Goberno central

A Xunta trasladou este luns ao sector das orquestras de Galicia a súa posición favorable a que poidan celebrarse verbenas este verán, aínda que respectando medidas de seguridade que deberá fixar o Goberno central.

O vicepresidente galego, Alfonso Rueda, e o conselleiro de Cultura, Román Rodríguez, mantiveron un encontro con representantes do sector profesional das orquestras para avaliar a súa situación de face á tempada estival, que estará condicionada pola pandemia da Covid-19.

Na videoconferencia participaron, en representación desta industria musical, a Asociación Galega de Orquestras, Gaias Eventos Musicais, a Asociación de Representantes Técnicos de Galicia e a Asociación de Empresarios da Música da Verbena Galega (ASEVEGA).

Durante a reunión expuxéronse e analizado as necesidades actuais das orquestras, un sector que dá emprego a numerosas familias e xera actividade na Comunidade, especialmente durante os meses de verán.

Os representantes da Xunta mostráronse favorables a que se poidan celebrar verbenas este verán e sinalaron que as condicións deben ser marcadas polo Goberno central mentres dure o estado de alarma, e, posteriormente, polos propios concellos. En todo caso, subliñaron, deben manterse as medidas de seguridade.

Música e baile tradicional

Na mesma liña, o sector da música e do baile tradicional ha reclamado á Xunta que tamén teña en conta as súas circunstancias á hora de implantar medidas que apoien a este sector, que representa un "motor indispensable" para a cultura galega.

As entidades que agrupan este sector fixeron fincapé en que a paralización da actividade está "supondo importantes perdas na actividade económica", que "dificilmente poderá recuperar a súa normalidade sen a axuda da administración e de toda a sociedade galega", apuntan.

Por iso, como medidas "urxentes", reclaman que se habiliten axudas económicas para paliar as perdas causadas, así como que se manteñan as liñas de axudas e convenios destinados ao sector da cultura tradicional.

Ademais, piden que se garanta o acceso aos locais de ensaio onde poder manter a actividade das asociacións e os ensaios dos grupos, asegurando o cumprimento das medidas sanitarias.

Para cando termine o estado de alarma, solicitan a creación dunha plataforma que aglutine todo o sector tradicional, que se implementen medidas de promoción e difusión das actividades deste tipo, a creación dun plan de subvencións para a promoción da contratación de profesorado por parte das asociacións ou a creación dun plan de axudas económicas para aumentar a actividade cultural, entre outras cuestións.

A Xunta móstrase favorable a que se poidan celebrar verbenas este...
Comentarios