O xoves Galicia continuará na influencia dun centro de baixas presións situado sobre Irlanda, con réxime de ventos do suroeste. Desta forma, segundo a predición de Meteogalicia, o ceo estará cuberto na metade oeste con precipitacións, e ceos máis abertos no norte de Lugo e este de Ourense.

As temperaturas sufrirán un lixeiro descenso, e o vento soprará frouxo de compoñente oeste en xeral, forte entre a Costa da Morte e Estaca de Bares.