Catro persoas resultaron feridas este venres pola tarde ao chocar o coche no que viaxaban contra unha árbore en Vilanova de Arousa, segundo informaron fontes do 112 Galicia.

O accidente de tráfico produciuse ao fío das 18.10 horas na estrada PO-531, no punto quilométrico 18,500.

Tras recibir o aviso de Urxencias Sanitarias, o 112 comunicou o sinistro á Garda Civil de Tráfico, Protección Civil, Bombeiros de Vilagarcía e ao servizo de mantemento de estradas.