Imprimir

Falece o actor moañés Celso Parada aos 61 anos

Galiciaé | 03 de agosto de 2019

Celso Parada. DAVID FREIRE
Celso Parada. DAVID FREIRE
Foi un dos grandes impulsores do teatro galego e un rostro recoñecible de numerosas series de televisión

O actor e director moañés Celso Parada faleceu este sábado aos 61 anos logo de loitar contra unha longa enfermidade.

Fundador hai 30 anos da compañía Teatro do Morcego, Parada foi un dos grandes impulsores da escena galega. En marzo, a Academia Galega de Teatro nomeárao membro de honra.

Ademais, tamén era un dos rostros máis recoñecibles da TVG, onde participou en numerosas producións, como Libro de familia, Pratos Combinados, Mareas Vivas ou Rías Baixas. Tivo papeis noutras series de éxito como Fariña ou Aída.

No cinema apareceu en filmes como O lapis do carpinteiro ou O ano da carracha, entre outros.

Entre os galardóns que recibiu figura un María Casares ao mellor texto traducido por O lazariño de Tormes.

Puede ver este artículo en la siguitente dirección /articulo/cultura/falece-actor-moanes-celso-parada-aos-61-anos/20190803104331062910.html


© 2019 Galiciae

Fernando de Casa Novoa, 35 A 1ºB Santiago de Compostela

Tlfno: 981 55 25 30

(Grupo El Progreso)