Imprimir

As vacacións, unha das principais causas das rupturas de parella

Redacción | 11 de julio de 2019

Unha parella goza das súas vacacións. EP
Unha parella goza das súas vacacións. EP

Datos do Instituto Nacional de Estatística arroxan tamén a conclusión de que a maior parte das rupturas matrimoniais se producen no mes de setembro

Xa empezaron ou están a piques de empezar as vacacións da maioría dos españois e, para moitos deles, estes días de relax supoñen un tempo extra para pensar e sacar conclusións sobre as cousas nas que un está contento na súa vida e as que non. Para unha parella, pasar demasiado tempo xuntos pode acabar provocando que saian á luz diferenzas ou conflitos que noutro tipo de situacións pasan desapercibidos.

Segundo puido comprobar o buscador de voos e hoteis jetcost.esunha de cada cinco parellas españolas toma a decisión de divorciarse ou romper a súa relación logo de estar uns días de lecer “e diversión” coas súas parellas. Algúns non son tan radicais e o que deciden é probar novas experiencias sexuais ou ter unha aventura. Deixar o traballo, mudarse de casa ou comprarse unha mascota son algunha outra das decisións que máis xente toma nas súas vacacións.

A maioría de terapias de parella levadas a cabo por psicólogos prodúcense tamén no mes de setembro.

O equipo de Jetcost realizou esta enquisa como parte dun estudo acerca das experiencias dos españois nas vacacións. O estudo foi realizado a 1.000 persoas maiores de 18 anos que estivesen casados ou tivesen parella, e que polo menos estivesen unha semana de vacacións con elas nos últimos 12 meses. O 73% dos enquisados responderon que consideraran dalgún xeito “cambiar as súas vidas” á volta das súas vacacións. Ao preguntar de que forma faríano, a resposta maioritaria foi deixando o traballo, mentres que a segunda máis repetida foi "divorciarme ou romper a miña relación", seguida de cerca por porme "en forma", "ter fillos" ou "comprarme unha mascota". Incluso tres dos enquisados contestaron que decidiran cambiar de relixión cando volveron.

Un portavoz de Jetcost dixo: “Pasar as 24 horas do día coas nosas parellas durante as vacacións pode chegar a ser unha arma de dobre fío para algúns. Hai quen decide divorciarse ou romper a súa relación, quen decide ter fillos, ou incluso, quen decide ter unha aventura. Doutra banda, as vacacións son tamén un momento de relax, nas que un pode ter máis tempo para porse a pensar en como é a súa vida e como lle gustaría que fose e recargar a enerxía suficiente como para decidir tomar unha decisión que cambie as cousas.”

Puede ver este artículo en la siguitente dirección /articulo/Cronica/vacacions-das-principais-causas-das-rupturas-parella/20190711183648061758.html


© 2019 Galiciae

Fernando de Casa Novoa, 35 A 1ºB Santiago de Compostela

Tlfno: 981 55 25 30

(Grupo El Progreso)