O líder do PP e candidato, Pablo Casado, asegurou que "non elude" a súa responsabilidade e que o resultado de hoxe foi "moi malo", pero o atribúe á fragmentación do voto do centro dereita, ao non querer Vox e Ciudadanos unir esforzos para estas eleccións.
Nunha comparecencia tras coñecer os resultados electorais, que supoñen un desastre para o partido ao perder máis da metade dos seus escanos, considerou "positivo" que en apenas un mes vai haber novas eleccións e instou aos outros dous partidos a unirse nunha estratexia conxunta como "a boa opción".
Casado, que foi recibido cun aplauso dos militantes á súa chegada á sala de prensa, mostrouse convencido de que o PP saberá estar "ás duras e as maduras" e de que é un partido que se crece ante as dificultades", polo que empezará a traballar mañá mesmo para recuperar apoios.
