Superlópez, a adaptación cinematográfica da mítica personaxe de cómics creada por Jan e que encarna Dani Rovira, converteuse na mellor estrea española no que vai de 2018 grazas aos 2,2 millóns de euros recadados na súa primeira fin de semana, segundo datos de ComScore Movies Spain.
Precisamente, antes da súa estrea, o director da cinta, Javier Ruiz Caldera, defendía nunha entrevista con Europa Press esta aposta por un superheróe español. "É un tipo de complexo que parece que vén coa nosa xenética. Nós mesmos tirámonos pedras contra o noso propio tellado", sinalaba o cineasta.
Esta recadación demostra o respaldo do público para unha cinta que, ademais, encabeza o despacho de billetes español desta semana. En segundo lugar está a película Animales Fantásticos: Los crímenes de Grindelwald, con 1,7 millóns de euros.
Bohemian Rhapsody, a cinta que repasa a vida do cantante de Queen, Freddie Mercury, está en terceira posición con 1,6 millóns de euros, mentres que a cinta fantástica El Cascanueces y los cuatro reinos alcanzou os 0,3 millóns de euros. Para rematar, outra estrea, El veredicto –protagonizado por Emma Thompson, sitúase en quinto lugar con 0,2 millóns de euros recadados.
