Os Reis Meigos chegarán este domingo pola noite a España cargados de agasallos e sen choiva en todo o país, o que permitirá gozar das cabalgatas en todas as cidades. A situación meteorolóxica para este domingo en Galicia continuará a liña dos días anteriores coas altas presións e a estabilidade que se esperan para o norte da Península Ibérica. Esta estabilidade prevalecerá de forma predominante con ceos en xeral pouco nubrados ou despexados, aínda que poidan aparecer algunhas néboas nos vales do interior, localmente persistentes.
Pola súa banda, as temperaturas mínimas descenderán lixeiramente, con xeadas no interior, mentres que as máximas non terán cambios significativos. Así a oscilación das mínimas estará entre os -1º graos de Lugo e os 6º graos da Coruña.
No outro extremo, as máximas variarán entre os 12º graos de Lugo e os 16 de Pontevedra. En canto ao vento, soprará frouxo de dirección variable ao longo de toda a xornada.
