Logo da inestabilidade da xornada anterior, as altas presións irán recuperando a súa influencia sobre Galicia este mércores.
Deste xeito a xornada amencerá aínda con nubes baixas e néboas que irán desaparecendo durante a mañá, excepto no noroeste, onde serán algo máis persistentes, con posibilidade de choiva débil no litoral; xa pola tarde a apertura de claros será máis xeneralizada.
As temperaturas tanto mínimas como máximas sufrirán un moderado a notable descenso. O vento soprará frouxo do noroeste en xeral.
Temperaturas extremas previstas nas cidades:
A Coruña 15° 21°, Ferrol 16° 22°, Lugo 12° 26°, Ourense 16° 31°, Pontevedra 15° 27°, Santiago de Compostela 14° 24° e Vigo 16° 25°.
