Zona: O Salnés, sen DO. Uva: Albariña. Maridaxe: Centollas cocidas. Grao: 12,5% vol. Temperatura de consumo aconsellada: 6-8º C
Hai xa algúns anos, o grupo Arnoya elaborou o primeiro espumoso galego. Baixo o nome de Fin de Século sacou ao mercado 300.000 botellas, pero problemas no propio grupo fixeron inviable o proxecto. Hoxe, o grupo Galiciano distribúe Danza, un espumoso elaborado con godello.
Pero o noso protagonista procede do Lagar de Bicada, no Salnés. Esta empresa comprometeuse coa idea de calidade e terruño das Rías Baixas. A súa última aposta é un viño espumoso, o ‘brut nature' Burbullas de Baladiña. Un viño elaborado con uva cen por cento albariña que sofre unha segunda fermentación en botella. Máis tarde é sometido a unha crianza en rima sobre as súas leas cun tempo mínimo de vinte e catro meses, antes de poder descubrir este pequeno tesouro.
Pajizo
A súa cor é amarelo pajizo, con escintileos dourados. A burbulla, pequena e continua. En nariz destacan aromas típicos da variedade como son os cítricos, resaltando o limón e notas de froitos secos, loureiro e de améndoa tostada, mel e hinojo. En boca, a burbulla é explosiva. Reprodúcense as notas que daba no nariz.
