Ingredientes
- Polbo.
- Sal maldon.
- Crema de vinagre de Módena.
- Maionesa.
- Nata.
Elaboración
Lavar o polbo e cocelo nun caldeiro de cobre. Unha vez cocido, sácase da auga e déixase arrefriar.
Doutra banda, prepararemos unha vinagreta con maionesa e nata. Bátese moi ben, ata que quede unha crema homoxénea, e metémola nun biberón dentro do frigorífico.
Cando a mestura estea ben fría, collemos o polbo e cortámolo moi fino. Colocarase sobre un prato chairo ou ben sobre unha bandexa pequena plana.
A continuación, sazonar con sal maldon e aderezar coa crema de Módena e vinagreta elaborada con anterioridade, realizando círculos concéntricos para conseguir que se mesturen adecuadamente ambos os sabores.
