O ceo amencerá con nubes en Galicia, aínda que se irá despexando

Este venres os ceos de Galicia terán intervalos nubrados con brumas e bancos de néboa matinais, que diminuirán a partir do mediodía a pouco nubrado con intervalos de nubes altas.

Espéranse choivas débiles e dispersas no nordés da comunidade durante a madrugada.

As temperaturas mínimas sufrirán un lixeiro descenso na costa noroeste, en puntos da montaña de Lugo e do leste de Ourense. No resto de Galicia ascenderán lixeiramente. 

Temperaturas máximas en lixeiro ascenso excepto no norte e sueste, onde descenderán lixeiramente.

Haberá xeadas débiles no interior oriental e o vento soprará frouxo variable.