Galicia quedará o xoves baixo a influencia dun anticiclón situado entre Azores e a península Ibérica, polo que se esperan ceos pouco nubrados ou despexados, con néboas matinais en comarcas do interior e intervalos de nubes e claros no litoral norte.
Segundo a información de Meteogalicia, o vento soprará frouxo, de compoñente oeste. As temperaturas mínimas quedarán sen cambios ou con lixeiros descensos, mentres que as máximas ascenderán lixeiramente.
En concreto, por cidades, as máximas estarán entre os 19 graos de Pontevedra e os 14 de Ferrol e A Coruña, mentres que as mínimas oscilarán entre 1 grao, en Lugo e Ourense, e 7 graos, na Coruña.
