Galicia non espera cambios para o xoves, xornada na que continuará baixo a influencia dun centro de baixas presións situado ao noroeste da península Ibérica.
Deste xeito, os ceos estarán parcialmente nubrados, con choivas, máis frecuentes e intensas no litoral atlántico, acompañadas de saraiba e aparello eléctrico. A cota de neve situarase ao redor dos 1.200 metros.
Segundo a información de Meteogalicia, o vento soprará de compoñente sur, con refachos fortes no litoral e zonas altas. As temperaturas non terán cambios significativos, ou haberá lixeiros ascensos.
Por cidades, as temperaturas máximas oscilarán entre os 15 graos de Ourense e Vigo e os 11 graos de Lugo, mentres que as mínimas estarán entre os 6 graos de Lugo e os 11 de Vigo.
