Galicia quedará este sábado baixo a influencia das altas presións, con ventos que soprarán de compoñente sur, segundo a información de Meteogalicia.
Así, durante a mañá os ceos estarán parcialmente cubertos, con máis nubes na franxa atlántica, onde se rexistrarán chuvascos. A partir do mediodía, abriranse grandes claros, aínda que permanecerán as nubes baixas no litoral da provincia da Coruña.
As temperaturas non experimentarán cambios significativos e o vento soprará de compoñente sur, frouxo en xeral, con intervalos fortes a primeira hora no litoral norte.
