Galicia continuará o xoves baixo a influencia dos centros de baixas presións que se forman ao norte da Comunidade. Con esta situación, espéranse ceos nubrados, con choivas máis probables na metade oeste, pero que nas últimas horas do día chegarán a todo o territorio.
Segundo a información de Meteogalicia, o vento soprará moderado, do suroeste. As temperaturas, pola súa banda, experimentarán un lixeiro ascenso.
En concreto, por cidades, as temperaturas mínimas oscilarán entre os 6 graos de Lugo, Santiago e Ourense e os 10 de Ferrol e A Coruña, mentres que as máximas estarán entre os 17 de Pontevedra e os 13 de Lugo ou Santiago.
