As temperaturas máximas non terán cambios significativos este mércores en Galicia, polo que se prevé unha tarde con "forte sensación de calor" nunha xornada na que hai posibilidades de tormentas vespertinas no interior, principalmente nas provincias de Ourense e Lugo.
Segundo a información de Meteogalicia, a máxima espérase en Ourense, con 38 graos, o que contrasta cos 24 que se alcanzarán en A Coruña ou os 27 en Lugo. Nas outras grandes urbes galegas os termómetros superarán os 30 graos en Pontevedra e Compostela (31º en ambos os casos).
As mínimas terán un lixeiro descenso e na capital lucense quedarán en 16 graos.
Polo demais, será unha xornada anticiclónica con vento do nordeste —con intervalos fortes pola tarde no litoral da Coruña—, aire cálido en superficie, pero tamén frío en altura. Os ceos estarán parcialmente nubrados no terzo norte, con nubes de evolución que poden deixar esas tormentas no interior.
