O luns Galicia continuará con influencia anticiclónica e cun aumento da circulación do nordés, de modo que os ceos estarán pouco cubertos ou despexados en xeral, con nubes de estancamento na Mariña lucense.
Así o avanza a predición de Meteogalicia, que prevé que as temperaturas mínimas continúen sen cambios e as máximas con lixeiros descensos. O vento soprará do nordés, entre frouxo e moderado no interior, forte no litoral norte e nas zonas altas.
Entre as principais cidades galegas, as temperaturas mínimas oscilarán entre os 2 graos de Lugo e os 14 de Vigo e as máximas situaranse entre os 17 da Coruña e os 26 de Ourense.
