O temporal azouta A Mariña e a costa coruñesa

Tormentas e choivas tomaron Galicia na penúltima fin de semana de agosto, situación que desembocou nunha fin de semana desapracible, que culmina coa declaración, por parte da Dirección Xeral de Urxencias e Interior, dun temporal costeiro no litoral do noroeste da Coruña e na zona da Mariña de Lugo.

Segundo a Axencia Estatal de Meteoroloxía (Aemet), o fenómeno meteorolóxico mencionado comezou ao redor de mediodía na zona da Coruña, con mar combinada de suroeste e oeste, ventos de forza 8 e ondas de 4 a 5 metros.

No litoral lucense, en cambio, desembarcaban os fortes ventos a media tarde e, neste caso, con mar combinada de oeste a noroeste de 4 a 5 metros e suroeste forza 8, cara a Bares e mar dentro.

No resto do litoral galego, a alerta permanecer no nivel amarelo.

Debido a este panorama de intensas choivas e ventos, por exemplo, o Concello de Ferrol, que está en festas, decidiu pospor a celebración da Ruta Ferrol en Feminino, prevista para as seis desta tarde, así como os espectáculos de maxia programados igualmente para este día.

Co propósito de garantir a seguridade dos bens e das persoas, a Dirección Xeral de Urxencias e Interior, a través do Centro de Atención ás Urxencias 112, informou da situación presente a todos os concellos da zona noroeste da Coruña e aos da Mariña.

Tamén ás Deputacións da Coruña e Lugo e aos servizos provinciais e asociacións de voluntarios de Protección Civil das zonas afectadas.

Á poboación recórdaselle, así mesmo, a importancia de seguir as medidas de auto-protección habituais, como evitar aproximarse a diques ou rompentes, coa fin de previr un eventual golpe de mar que poida arrastrar persoas ou obxectos.

A Comunidade galega quedou deste xeito, na xornada dominical, baixo a influencia dunha borrasca que se move cerca do litoral norte, cunha fronte asociada que se achega polo noroeste desde a mañá, provocando, ao seu paso, que o ceo pase a estar moi nubrado ou cuberto con choivas, as cales se van estendendo progresivamente.

Meteogalicia predí que esas precipitacións quedarán en forma de chuvasco e tamén que as temperaturas descenderán, de xeito máis acusado as máximas, con valores baixos para esta época do ano.

O vento sopra do suroeste, forte, con intervalos moi fortes, de ata 80 quilómetros por hora, no litoral e en zonas altas; e son moderados no resto.

Este luns aínda continuará a inestabilidade na atmosfera, polo que o ceo estará, en base ás estimacións, parcialmente nubrado e haberá algún chuvasco polo oeste durante a mañá.

Será pola tarde cando xa se empecen a abrir claros, sobre todo no leste e sur de Galicia, e as temperaturas permanecerán sen cambios significativos ou cun lixeiro ascenso das máximas, mentres que o vento soprará do suroeste, moderado durante o día, aumentando de novo a forte, xa pola noite, no litoral coruñés.