As análises forenses dos restos humanos achados a finais de marzo nunha leira de Bora desvelaron que pertencen a un pontevedrés de mediana idade que desapareceu no ano 2012.
Os informes definitivos desvelan que o falecido, veciño da parroquia de Estribela, faleceu de morte natural, pois non se apreciaron signos de violencia.
Un familiar do falecido foi quen denunciou a súa desaparición na Comisaría Provincial de Pontevedra en 2012. Desde entón permanecía en paradoiro descoñecido ata o achado do seu corpo por parte dun veciño da citada parroquia de Bora.
Ao parecer, o home tiña problemas de saúde (estivera ingresado no Hospital de Montecelo días antes de que se lle perdese a pista), o que puido estar detrás do seu fatal desenlace.
Os restos óseos achados en Ponte Bora pertencen a un pontevedrés que estaba desaparecido dende 2012
Os informes definitivos desvelan que o falecido, veciño da parroquia de Estribela, faleceu de morte natural, pois non se apreciaron signos de violencia
