O xeriátrico municipal de Boimorto foi desaloxado, como medida preventiva, logo de declararse un incendio na cociña das instalacións. Segundo informa o 112 Galicia ningunha persoa resultou ferida.
O lume declarouse sobre as 12.30 horas neste centro situado na estrada da Gándara. Foron avisados os Bombeiros de Arzúa e Urxencias Médicas, así como Protección Civil e a Garda Civil.
Aínda que todos os residentes atópanse en boas condicións, os efectivos sanitarios decidiron mobilizar unha ambulancia.
INTOXICADOS EN FERROL. Por outra banda, dúas persoas resultaron afectadas por inhalación de fume en Ferrol tras declararse un incendio na súa cociña. O lume afectou á campá extractora.
Os feitos tiveron lugar nun edificio da rúa Lepanto sobre as 12.20 horas, onde acudiu unha dotación de bombeiros de Ferrol. Os efectivos sanitarios mobilizaron unha ambulancia para asistir ás dúas persoas.
Desaloxan un xeriátrico de Boimorto tras declararse un lume na súa cociña
Aínda que non resultou ferida ningunha persoa, os efectivos sanitarios decidiron mobilizar unha ambulancia
