Un domingo inestable e con choivas ocasionais á espera de que volva o sol

A xornada meteorolóxica deste domingo en Galicia está marcada por intervalos nubrados e haberá precipitacións débiles e ocasionais, máis probables no noroeste, segundo a predición de Meteogalicia.

As temperaturas mínimas non terán cambios, con xeadas illadas en zonas de interior, mentres que as máximas experimentarán un lixeiro ascenso, especialmente na Mariña luguesa.

Os ventos soprarán de compoñente oeste, moderados no litoral e máis frouxos no interior, aumentando a súa intensidade pola tarde. Galicia empezará de novo o luns a quedar baixo influencia anticiclónica.