Unha persoa resultou ferida este martes pola tarde despois de que o coche no que viaxaba envorcase en Moeche. A vítima foi trasladada ata un centro hospitalario. O sinistro ocorreu na AC-862, concretamente no punto quilométrico 36, sentido Ortigueira.
Foi un particular quen alertaba do accidente ao 112 Galicia ás 15.20 horas. Indicaba no seu relato que a persoa accidentada estaba atrapada. Nese momento, o persoal do Centro Integrado de Atención ás Emerxencias 112 Galicia pasaba o aviso aos efectivos do GES de Ortigueira ?que se achegaron ao lugar dos feitos cun equipo de excarceración?, aos Bombeiros do Eume, ao 061-Urxencias Sanitarias, á Garda Civil de Tráfico e ao servizo de mantemento da estrada.
Segundo indicóuselle ao 112 Galicia, o GES de Ortigueira descartou o emprego dos instrumentos de excarceración xa que a vítima, que foi evacuada nunha ambulancia, atopábase accesible.
Ademais, o 112 Galicia tivo constancia, a través do 061-Urxencias Sanitarias, dun accidente de tráfico no que se viron implicados dous turismos en Coristanco. A causa do impacto, un home tivo que ser trasladado ao centro hospitalario de referencia.
O accidente ocorreu no Alto do Carrizal, na parroquia de Agualada. Segundo os datos facilitados ao 112 Galicia, os vehículos accidentados estaban sen sinalizar e nunha zona perigosa.
Desde o Ciae 112 Galicia informouse o sinistro á Garda Civil de Tráfico, aos Bombeiros de Bergantiños, a Protección Civil de Curtis e de Coristanco e aos efectivos do GES de Ponteceso.
Dúas persoas feridas en senllos accidentes en Moeche e Coristanco
O coche accidentado que viaxaba en sentido Ortigueira terminou por envorcar
