O bar ''Pardellas'' resultou gañador do concurso de petiscos e tapas que a Denominación de Orixe Arzúa-Ulloa e o Concello de Palas de Rei organizaron esta semana como acto complementario á Feira do Queixo en Ulloa.
O petisco, chamado ''Champiñóns recheos de queixo Arzúa-Ullo'' foi o que máis puntuación logrou na valoración do xurado. Ademais, este ano como novidade tamén se entregará outro premio ao petisco que consiga máis votos entre os clientes. Os asistentes á Feira poden degustar ata este domingo os petiscos nos 10 bares e restaurantes que participaron nesta nova edición do concurso.
A entrega do premio vaise a realizou este domingo ás 12:00 na Praza do Concello, antes da lectura do pregón.
O segundo posto do concurso foi para os ''Queixo con marmelo de froitos vermellos'' do restaurante Guntina, e en terceiro lugar quedaron os ''Chipiróns recheos de Queixo Arzúa-Ulloa e Gambas'' do bar Venus
O xurado estivo formado polo xornalista José Ramón Bernárdez, de Radio Arzúa, Eva Mariño en representación do Concello de Palas de Rei e o xerente do Consello Regulador, Óscar Pérez Ramil.