A Denominación de Orixe (D.O.) Monterrei participará desde o día 30 de marzo ao día 2 de abril no XXIII Salón Internacional do Club de Gourmets, que se celebrará na Feira de Madrid (Ifema), onde terá un especial protagonismo na xornada inaugural, coa presentación dos novos viños do D.O.
O 31 de marzo tocaralle a quenda aos brancos da denominación, coa participación, neste caso, do presidente do Consello Regulador do D.O. galega, Antonio Ángel Méndez Atanes.
Ambas as presentacións realizaranse en maridaxe con 'Tenreira de Galicia' e desenvolveranse na caseta pertencente á Consellería de Medio Rural.
O Salón Internacional do Club Gourmets naceu coa idea de divulgar a singularidade e bondade dos produtos artesanais e industriais de máxima calidade.
O notable aumento de compradores estranxeiros procedentes de Australia, Brasil, Canadá, China, EE.UU., Xapón, Rusia, Singapura e Sudáfrica ratifican ao Salón de Gourmets como referente feiral de Europa para os mellores produtos.
