O libro "101 receitas de polbo" foi editado polo Padroado Provincial de Turismo de Ourense e presentado hoxe polos seus autores, dous cociñeiros asentados no Carballiño que ofrecen desde fai un par de anos, variantes de pratos baseados no polbo cocido pero diferentes ao tradicional "polbo á feira".
O primeiro dos exemplares foi enviado á Casa Real, coa autorización previa outorgada a Víctor Fernández que o enviou cunha dedicatoria e a firma dos autores.
O libro, orixinal por centrarse na gastronomía do polbo, recolle as receitas agrupadas en entrantes fríos e quentes, pratos principais e suxestións como corquetas, tortilla, fabadas ou pasteis salgados.
