Os bombeiros de Valdeorras conseguiron esta medianoite, logo de varios días de traballo, finalizar as tarefas de extinción do lume que arrasou un alpendre no lugar de Seoane, na localidade da Veiga, informou o 112.
O lume iniciouse sobre as seis da tarde do martes. Desde ese día, debido á cantidade de palla acumulada e ás altas temperaturas rexistradas no habitáculo, os medios de extinción traballaron arreo para evitar que as chamas se reavivasen. Ademais dos bombeiros, tamén formaron parte do operativo a Garda Civil e os efectivos do GES e de Protección Civil da localidade.
Extinguido o incendio dun alpendre na Veiga
A cantidade de palla acumulada e as altas temperaturas rexistradas fixeron que o lume se resistise
