É unha festa clásica, de entre as que se celebran no mes de agosto en Galicia.
Ten lugar o primeiro sábado do mes, normalmente pola tarde. Participan ao redor de 10.000 persoas, que degustan o bonito cocido, asado á parilla e en empanada. O epicentro da festa é a chaira do porto burelense, o máis importante do Cantábrico en capturas deste peixe.
O programa de actos adoita completarse con xogos e deportes tradicionais, mostras fotográficas, o habitual pregón, concursos de carteis e musica.
A festa conta coa declaración de interese turístico desde o ano 1999.