“Festa da Empanada, non che digo nada!”. Este é o berro de guerra dos incondicionais desta cita, que enxalza (na localidade pontevedresa de Bandeira, municipio de Silleda) un dos produtos que definen a gastronomía galega.
A carballeira (robledal) de Silva acolle cada terceiro sábado de agosto unha verdadeira romaría que ten como protagonista á empanada e na que, ano tras ano, queda sobradamente demostrado que entre as súas dúas capas de pan cabe de todo. Desde xoubas (sardiñas) ata todo tipo de carne, pasando pola clásica de bacalo con pasas e as máis modernas de congro, rape, navallas, zamburiñas, algas ou espinacas e ovo, por citar tan só algunhas.
Personaxes ilustres
A festa contou ao longo da súa historia coa presenza de personaxes ilustres, ben como pregoeiros, ben como membros do xurado.
Por Bandeira pasaron, para participar nestes mesteres, o premio Nobel Camilo José Cela; políticos, como os ex presidentes da Xunta Fernández Albor e Manuel Fraga e xornalistas, como Fernando Onega, José María Carrascal ou Pilar Cernuda, entre outros moitos.
Festa da Empanada de Bandeira
