En calquera bar de Noia pódense degustar empanadas durante todo o ano, e este é precisamente o manxar elixido para render homenaxe, ao mesmo tempo que resulta un tentador atractivo que ofrecer aos turistas que durante o mes de agosto enchen as praias desta fermosa localidade.
Sen faltar un só ano, e desde 1979, na Praza do Tapal ou Xardín da Alameda, o concello organiza a festa da empanada, dentro do marco da semana festiva en honra a San Bartolomé, patrón de Noia. A música, os concursos de empanadas que se celebran algúns anos, as actividades deportivas e culturais e a degustación mesma converten o acto nun evento digno de ser gozado.
A empanada, protagonista indiscutible do evento, prepárase de d¡versas formas: de millo, de trigo, con pito, con lombo, bistecs, bacallau, luras, zamburiñas, xoubas, etc...
Unha curiosidade das empanadas de Noia é que se lles dá a volta no forno coma se tratásese dunha tortilla. Coñecer o punto perfecto da masa e a cantidade exacta de cebola, converten o prato en arte.
