Creada no ano 1991, pola asociación de empresarios e pola xestión do concello, celébrase na última semana do mes de xuño na localidade de Melide na provincia da Coruña onde poderemos aproveitar para realizar outras visitas como o museo Terra de Melide e a Ponche Vella de Furelos.
Melide ten unha gran oferta gastronómica pero sen dúbida o produto máis famoso é o melindre doce elaborado con produtos naturais como a fariña de trigo, ovos, manteiga e azucre.
A partir das primeiras horas da mañá pódense degustar, de forma gratuíta, os famosos melindres e outros produtos, que tamén poden ser comprados nos distintos postos de venda. A tradición melindrera remóntase a principios do século XX e o segredo dos melindres de Melide é a súa elaboración polo que moita xente acode nestas datas a Melide a degustar esta sobremesa e coñecer a zona.
Pero ademais do evento gastronómico, Melide aproveita a cita para realizar unha infinidade de actividades entretidas para amenizar a estancia de todos aqueles que decidan ir pasar un día agradable, sen ter en conta a idade que teñan. Previamente, o Concello xa decidiu organizar un concurso de debuxo para os escolares da rexión que axude a inculcar aos pequenos os valores da terra para que saiban aprecialos desde pequenos.
Esta festa celébrase tradicionalmente o segundo domingo de maio, nesta ocasión coincide o día 10.
