Galicia despide o mes de agosto coas temperaturas máximas en descenso e nubes para comezar o sábado, aínda que co avance da xornada irán desaparecendo en case toda a comunidade. Iso si, son suficientes para que os mapas de Meteogalicia recollan a posibilidade dalgunha choiva no norte.
A presenza dunha fronte pouco activa ao norte explica o empeoramento da situación meteorolóxica. Nos termómetros, a caída anunciada para case toda a comunidade deixará as temperaturas máximas entre os 21 graos da Coruña e os 31 de Ourense. As mínimas moveranse entre os 14 e os 19.